Sir Claude John Eyre Auchinleck (Aldershot, Hampshire, 1884ko ekainaren 21a - Marrakex, 1981eko martxoaren 23a) britainiar militarra izan zen.
Sandhursteko Royal Military Collegen hezi zen. 1903an, Indiako Armada Britainiarrera bidali zuten. Bertan bertako hizkuntza eta ohiturak ikasi zituen. Indian egon zen Lehen Mundu Gerra arte. Turkiarren aurka borrokatu zuen Egipton, Arabian eta Mesopotamian.
Bigarren Mundu Gerran indar anglofrantsesak zuzendu zituen Norvegiako Kanpainan. 1941eko urtarriletik maiatzera Indian eta Iraken egon zen. 1941eko uztailean Archibald Wavell ordezkatu zuen Ekialde Ertaineko komandante buru gisa. Alemaniarren aurka borrokatu zen Afrikako Iparraldean eta El-Alameingo lehen guduan parte hartu zuen. Churchillen konfiantza galdu ondoren Harold Alexanderrek ordezkatu zuen. 1942tik 1945era Indiara itzuli zen.
Gerra ostean, bertako armada Indiaren banaketako prestatu zuen, eta landa-mariskala izendatu zuten.